दिपु बर्णवाल/
वीरगंज । वीरगंज महानगरपालिकाकाे वडा नम्बर १६ नगवामा रहेको सनलाइट क्याम्पसमा बुधबार फुड फेस्टिभल सम्पन्न भएकाे छ । क्याम्पसमा अध्यानरत विद्यार्थीहरुले आयाेजना गरेकाे फुड फेस्तिभल सम्पन्न भएकाे हाे ।
सनलाइट क्याम्पसका क्याम्पस प्रमुख डिके चौरसियाको अध्यक्षता भएकाे फुड फेस्टिभलकाे उद्घाटन प्याब्सन वीरगंज महानगरका अध्यक्ष राहुल श्रीवास्तले गरेका थिए । कार्यक्रमका प्रमुख अतिथि समेत रहेका अध्यक्ष श्रीवास्तवले विद्यार्थीहरुले आफ्नो प्रतिभालाई यसरी नै प्लेटफर्म अर्थात अवसर दिएर क्षमता देखाउने वताए ।
उनले निजी बिधालय तथा निजी कलेजहरुले गुणस्तरीय शिक्षा संगै ब्यवहारीक शिक्षाको अहिलेको आवश्यकता रहेकोले यस्ता कार्यक्रमहरु बेला बखत गर्नुपर्ने वताए ।
त्यसैगरी गौतम स्कुलका निर्देशक सोनाम लामाले विद्यार्थीहरुको प्रतिभा देखेर धेरै खुशी लागेको बताए । उनका अनुसार अब हरेक कलेज र विधालयहरुले बेलाबखत फुड फेस्तिभल गरेर विद्यार्थीहरुलाई यस्तो सुनौलो अवसर दिन सके उनीहरूको भबिष्य नेपालमा नै सुनिश्चित गर्न सक्ने बताए ।
सनलाइट कलेजकाे आयोजनामा भएकाे फुड फेस्टिभलमा कलेजमा अध्ययनरत विद्यार्थीहरुले विभिन्न ३० परिकार भन्दा धेरै स्टलहरु राखेका थिए । स्टलहरुमा सेल रोटी, घोङी, पानी पुडी, कुखुराको रोस्त, चटपटे, अचार, चप लगायतका परिकार राखिएको थियो ।
कलेज परिसर मै भएकाे फुड फेस्टिभलमा क्यान महासंघ पर्साका अध्यक्ष मनिष सिंह, जीवन ज्योति स्कुलका निर्देशक शिवजी गुप्ता , गौतम स्कुलका निर्देशक सोनम लामा, ओम नेशनल एकेडेमीका प्रधानाध्यापक हरि श्याम ठाकुर, सनलाइट माविका प्रधानाध्यापक आलोक चौरसिया, पकाहाँ मैनपुर गाउँपालिकाका पुर्व अध्यक्ष बिजय चौरसिया, प्याब्सन मधेस प्रदेश सदस्य इमामुदीन अहमद , शिक्षक बलराम श्रेष्ठ लगायतलकाे सहभागिता रहेकाे थियाे ।