31.5 C
Birgunj
16 July 2024
KALIKATIMES.COM

इप्रका पाेखरियाकाे क्षेत्रबाट तस्करीकाे लाइन खुल्ला

वीरगंज । इलाका प्रहरी कार्यालय पोखरियाले आर्थिक नजराना बुझी तस्करीको लाइन खोलेको छ । भर्खरै केही दिन अघिमात्रै इलाका प्रहरी कार्यालय पोखरियाका कार्यभार सम्हालेका प्रहरी निरीक्षक राजन ढकालले तस्करीको लाइन खुल्ला गरेका हुन् ।

नेपाल भारत सीमा क्षेत्रमा पर्ने प्रसौनी भाठ्ठा, धोरे, जानकी टोला, आस्वारी लगायतको नाकाबाट अहिले व्यापक तस्करी भइरहेको छ । राति मात्रै नभई दिन दहाडै तस्करहरुले तस्करीको सामान भारतबाट नेपाल भित्र्याई रहेका छन् । मोटरसाइकलमा तस्करीका सामान लोड गरि सीमा क्षेत्रमा खटेका इलाका प्रहरी कार्यालय पोखरियाका टोलीलाई आर्थिक नजराना बुझाई तस्करी गर्ने गरेको प्रत्यक्षदर्शीहरुले वताएका छन् ।

तस्करहरुले किरानाका सामान, हार्डवेयर, कुखुराको चल्ला, कपडा लगायतका सामानहरु तस्करी गर्ने गरेका छन् । इलाका प्रहरी कार्यालय पोखरियाका इन्स्पेक्टर ढकालको मातहतका प्रहरी टोलीले सीमा क्षेत्रमा तस्करहरुसँग रकम असुली तस्करी गराई रहेको स्थानीयहरुको आरोप छ ।

इन्स्पेक्टर ढकालले घुमुवा प्रहरी मार्फत तस्करहरुसँग सेटिङ्ग गरेर तस्करीको लाइन खोलेको श्रोतले बताएको छ । नेपाल भारतको मुख्य नाका वीरगंज भन्सारमा तस्करीको लाइन बन्द भएपछि अहिले ग्रामीण भेगबाट तस्करीको लाइन खुलेको छ ।

वीरगंज क्षेत्रका तस्करहरु अहिले ग्रामीण भेगलाई निशाना बनाएका छन् । उनीहरु अहिले इलाका प्रहरी कार्यालय पोखरियाका प्रहरी निरीक्षक ढकाललाई मात्रै महिनावारी नजराना बुझाएर सहज तरिकाले तस्करीको सामान नेपाल भित्रयाई रहेका छन् ।

अहिले ग्रामीण क्षेत्रका किराना पसलहरुमा तस्करीको सामान छ्यापछ्याप्ती देख्न सकिन्छ । खास गरेर ग्रामीण क्षेत्रका पसलहरुमा नेपालमा उत्पादित खाद्यान्न सामाग्री भन्दा पनि भारतबाट आयातित खाद्यान्न सामाग्री बढि देख्न पाइन्छ ।

प्रहरी अहिले शान्ति सुरक्षा दिनुभन्दा पनि कसरी बढि भन्दा बढि तस्करबाट पैसा असुल्न सकिन्छ भन्ने मनसायमा तल्लिन भएको देखिन्छ । इन्स्पेक्टर ढकाल ‘ऐनी हाउ, पैसा कमाउ’ भन्ने मनसायले समाजमा शान्ति सुरक्षा दिनुभन्दा पनि सीमा क्षेत्रमा तस्करहरुबाट पैसा असुल्न प्रहरी खटाएको भन्ने त्यहाँ हुने तस्करीबाट सहजै अनुमान लगाउन सकिन्छ । दिउसाे कै समय मै खुल्याम तस्करी भइरहेकाे भिडियाे समेत कालिका टाईम्सलाई प्राप्त भएकाे छ ।

प्रतिक्रिया लेख्नुहोस

सम्बन्धित समाचार

करेन्ट लागेर विद्युत कर्मचारीको मृत्यु

कालिका टाईम्स

भलुहीमा भएकाे बस दुर्घटनामा १७ जना घाइते

कालिका टाईम्स

नदीमा पौडी खेल्ने क्रममा बेपत्ता बालकको शव भेटियाे

कालिका टाईम्स
Comments
SQL requests:202. Generation time:4.934 sec. Memory consumption:79.76 mb