वीरगंज । वीरगंज महानगरपालिकाको वडा नं. ३१ मा विद्युतीय खाना पकाउने स्टोभ प्रयोग गर्न र यसका फाइदाहरूलाई जानकारी गराउन छनौट गरिएको घरपरिवार र समुदायलाई सचेतनामुलक अभिमुखीकरण कार्यक्रम एंव विद्युतीय खाना पकाउने चुलो प्रयोग सम्बन्धि खुला प्रदर्शन कार्यक्रम सम्पन्न भएको छ ।
जलवायु परिवर्तनका असरहरुलाई न्युनिकरणका लागी विधुतिय चुलाको प्रयोग बढाउने नेपाल सरकारको लक्ष्यलाई टेवा पुर्याउने उदेश्य अनुरुप दिव्य विकास स्राेत केन्द्र, पर्सा र क्लिन कुकिङ्ग एलाइन्स (सिसिए) को साझेदारीमा वीरगंज महानगरपालिका क्षेत्र भित्र विद्युतीय चुलो प्रबर्धन तथा कार्बन उत्सर्जन न्यूनिकरण परिक्षण परियोजना अन्तर्गत मागमा आधारित विद्युतीय चुलो उपलब्ध गराउने र प्राइभेट सेक्टर इंगेजमेन्ट/विजनेश माेडलकाे अवधारणा अनुशार परिक्षण चरणमा कार्यक्रम सम्पन्न भएकाे हाे ।
दिव्य विकास स्रोत केन्द्रका कार्यकारी निर्देशक रामाकान्त प्रसाद कुर्मीको अध्यक्षतामा भएकाे कार्यक्रममा विरगंज महानगरपालिका वडा नं. ३१ का वडाध्यक्ष जितेन्द्र प्रसाद यादव, वीरगंज महानगरपालिका कै वडा नं. २७ का वडाध्यक्ष नारायण प्रसाद कुर्मी, सिसिएका नेपाल प्रतिनिधि करुणा बज्राचार्य, वडा प्रतिनिधि, बुद्धिजिवी, विभिन्न कार्यलयको प्रमुख तथा प्रतिनिधिहरुको उपस्थिति रहेको थियो ।
कार्यक्रममा दिव्य विकास स्रोत केन्द्रका कार्यक्रम प्रबन्धक गणेश ठकुरीले कार्यक्रमको उदेश्य, लक्ष्य एंव आगामी रणनितिको वारेमा प्रस्तुतिकरण मार्फत जानकारी गराएका थिए ।
कार्यक्रमको समापन समारोहमा कार्यक्रमका प्रमुख अतिथि र विशिष्ठ अतिथिहरुले ४ जना दाउरा प्रयोगकर्तालाई विधुतिय चुला हस्तान्त्रण गरेका थिए भने परियोजना संग सम्बन्धित प्राविधिक टोलीहरुले विधुतिय चुला संचालन एंव अन्य प्राविधिक कुराहरुको सहजिकरण गरेका थिए । कार्यक्रम संचालन दिव्य विकास स्रोत केन्द्रका सामाजिक परिचालक रामाकान्त प्रसाद कुर्मीले गरेका थिए ।