वीरगंज । पर्साको पकहाँ मैनपुर गाउँपालिकाका अध्यक्ष सुरेश प्रसाद मेहताले आइतबार श्री नेपाल राष्ट्रिय माद्यमिक विद्यालय धाेरेकाे अनुगमन गरेका छन् ।
गाउँपालिका अध्यक्ष मेहता, प्रमुख प्रशासकिय अधिकृत उदयाशंकर चौधरी, शिक्षा शाखा प्रमुख दामाेदर द्विवेदी लयागतकाे टाेलीले वडा नं. १ धाेरेस्थित रहेकाे विद्यालयकाे छड्के अनुगमन गरेकाे हाे ।
अनुगमनकाे क्रममा विद्यालयकाे प्रशासनिक, भौतिक तथा अतिरिक्त क्रियाकलापकाे बारेमा बिधार्थीहरुले जानकारी गराएकाे समस्या समाधान गर्ने अध्यक्ष मेहताले प्रतिद्धता जनाएका हुन् । अध्यक्ष मेतहाले विद्यालयमा शिक्षकहरुलाई नियमित र समय मै उपस्थित हुनु पर्ने निर्देशन समेत दिए ।
अनुगमनको क्रममा विद्यार्थीहरु विद्यालय पोशाक मै भेटिएकाे र शान्त तथा स्वच्छ वातावरणमा कक्षा संचालन भइरहेकाे देखिएकाे प्रमुख प्रशासकिय अधिकृत चौधरीले बताए । अनुगमन टाेलीले विद्यार्थीहरुकाे कुन कक्षामा कुन विषयकाे काेर्स कहाँ सम्म पढाई भएकाे बारे पनि जानकारि लिएकाे थियाे ।
यसैगरी अब आउने दिनमा पनि बिभिन्न विद्यालय, वडा कार्यालय, स्वास्थ्य चौकीहरुकाे काम कारवाहीकाे नियमति अनुगमन गरिने प्रमुख प्रशासकिय अधिकृत चौधरीले जानकारी दिए ।