वीरगंज । पर्साकाे जगरनाथपुर गाउँपालिकामा हरितालिका तीजकाे शुभकामना आदान प्रदान कार्यक्रम सम्पन्न भएकाे छ । जगरनाथपुर गाउँपालिकाकाे आयाेजनामा गाउँपालिकाकाे वडा नं. ६ स्थित सन्ठी स्कुलमा भएकाे कार्यक्रम सम्पन्न भएकाे हाे ।
गाउँपालिका अध्यक्ष श्रीकान्त प्रसाद यादवकाे प्रमुख अतिथ्यमा भएकाे कार्यक्रममा हिन्दु महिलाहरुकाे महान पर्व तीजकाे शुभकामना आदान प्रदान गर्नुकाे साथै दर खाने कार्यक्रम समेत गरिएकाे प्रमुख प्रशासकिय अधिकृत कृष्णनन्दन रायले जानकारी दिए ।
जगरनाथपुर गाउँपालिकाकी उपाध्यक्ष बबिता सिंह क्षेत्रीकाे अध्यक्षतामा भएकाे कार्यक्रममा पटेर्वा सुगाैली गाउँपालिकाकी उपाध्यक्ष ममता महताे, जिराभवानी गाउँपालिकाकी उपाध्यक्ष रेखा चौधरी लगायतकाले शुभकामना मन्तव्य राखेका थिए ।
उक्त कार्यक्रममा जगरनाथपुर गाउँपालिकाकाे वडा नं. १ देखि ६ सम्मका वडाध्यक्ष, गाउँपालिकाका कर्मचारी र स्थानिय महिलाहरुकाे सहभागिता रहेकाे थियाे । यस्ताे कार्यक्रम जगरनाथपुर गाउँपालिकामा पहिलाे पटक भव्य रुपमा सम्पन्न भएकाे आयाेजकले जनाएकाे छ ।
प्रतिक्रिया लेख्नुहोस