वीरगंज, ३० बैशाख ।
संघिय मामिला तथा सामान्य प्रशासन मन्त्रालयले पर्साको बिन्दबासिनी गाउँपालिकाको प्रमुख प्रशासकिय अधिकृतमा पुनः सुजित साहलाई नै पठाएको छ । गाउँपालिका अध्यक्ष श्रीलाल साह कानु (मोदी) को पहलमा मन्त्रालयले प्रशासकिय अधिकृत साहलाई बैशाख २६ गते जिल्ला समन्वय समिति, पर्सामा सरुवा गरेको थियो । अधिकृत साहको सहमती बेगर नै मन्त्रालयले जिल्ला समन्वय समितिमा सरुवा गरे पछि गाउँपालिकामा खैलाबैला नै मचेको थियो ।
आर्थिक मसान्तको अन्तिम अन्तिममा आएर मन्त्रालयले प्रमुख प्रशासकिय अधिकृत साहको सरुवा गर्नु र निमित प्रमुख प्रशासकिय अधिकृतमा गाउँपालिका मै कार्यरत ना.सु. राजेन्द्र बहादुर दासले पदभार ग्रहण गर्नुले गाउँपालिकाको विकास निर्माणको काम प्रभावित हुने सम्भावना बढेको थियो । आईतबार मात्र एक कार्यक्रमका बिच गाउँपालिका अध्यक्ष मोदीले ना.सु. दासलाई फुलको माला र अबिरको टिका लागाई प्रमुख प्रशासकिय अधिकृतको पदभार ग्रहण गराएका थिए ।
त्यस पछि मात्र प्रशासकिय अधिकृतको सरुवा भएको सार्वजनिक भए पछि मन्त्रालयमा आज गाउँपालिकाबाट पुगेको एक डेलिकेशनको आग्रहमा मन्त्रालयले पुनः साहलाई नै गाउँपालिकाको प्रमुख प्रशासकिय अधिकृतमा पठाएको हो । अध्यक्ष मोदिले भनेको गैर कानूनी कामहरु गर्न नमाने पछि प्रमुख प्रशासकिय अधिकृत साहको उनले सरुवा गराएका थिए ।