वीरगन्ज, १३ बैशाख ।
पर्साको सखुवा प्रसौनी गाउँपालिकामा संचालित कुष्टरोग निवारण अभियान सम्पन्न भएको छ । सखुवा प्रसौनी गाउँपालिका स्वास्थ्य शाखाको आयोजनामा बैशाख ८ देखी सुरु भएको कुष्टरोग खोजी गर्ने कार्य शुक्रबार सम्पन्न भएको हो ।
कुष्टरोग निवारण अभियान अन्तर्गत गाउँपालिकाको सबै वडामा संचालित कुष्टरोज खोजी गर्ने कार्य सम्पन्न भएको गाउँपालिकाका स्वास्थ्य संयोजक समेत रहेका सुचना अधिकारी राजेश प्रसाद रौनियारले वताए ।
गाउँपालिकाको ६ वटा वडामा ३६ जना कुष्टरोगी खोजी टोली परिचालन भएको थियो । ५ दिनको खोजी टोली अभियानमा ४ जना नयाँ कुष्टरोगी पत्ता लागेको स्वास्थ्य संयोजक रौनियारले जानकारी गराए । जसमा एक सर्ने खालको र ३ नसर्ने खालको रहेको उनले वताए ।
प्रतिक्रिया लेख्नुहोस