वीरगन्ज । सतारुढ दल नेपाल कम्युनिस्ट पार्टी (नेकपा ) निकटका विधार्थी संगठन अनेरास्ववियुले अमेरिकी विकास सहयोग एमसिसीको विरोध गर्दै मंगलबार प्रदर्शन गरेको छ ।
अनेरास्ववियु पर्साका सहसयोजक मित्रदेव यादवको नेतृत्वमा प्रदर्शनकारीले एमसिसी संसदबाट पारित गर्न नहुने भन्दै वीरगंजमा विरोध प्रदर्शन गरेका हुन् ।
एमसिसीको विरोधमा लेखिएका विभिन्न प्लेकार्ड र ब्यानर सहित उनीहरू वीरगंजकाे घण्टाघर चोकमा प्रदर्शनमा उत्रिएका थिए ।
बिरोध प्रदर्शन कार्यक्रममा अनेरास्ववियुका केन्द्रिय सदस्य जुबेर आलम ,अनेरास्ववियु पर्साका नेता मेराजुल हवारी , नसिम अख्तर , अकलेश साह , हेमन्त तामाङ , आसिफ अहमद , बलिराम साह लगायतको सहभागीता रहेकोे थियोे ।
प्रतिक्रिया लेख्नुहोस