वीरगंज । बुहारीको हत्या गरेको अभियोगमा सासू, ससूरा सहित ३ जनालाई प्रहरीले पक्राउ गरेकाे छ । पर्साको बहुदरमाई नगरपालिका वडा नम्बर ८ रामनगरी निवासी २५ वर्षीय उर्मीला देवी पण्डितको हत्या गरेकाे अभियोगमा तिन जनालाई पक्राउ गरिएको प्रहरीले जनाएको छ ।
उर्मिलाका ससुरा ६० वर्षीय सुरेश पण्डित, सासु ५५ वर्षीया शिव कुमारी देवी र उनीहरुकी कान्छी बुहारी २३ वर्षीया मालती देवीलाई घटना बारे अनुसन्धान गर्न नियन्त्रण लिइएकाे इलाका प्रहरी कार्यालय पाेखरियाका प्रहरी निरिक्षक चन्द्र कुमार सिंहले वताउनु भयाे ।
आफ्नै बुहारीकाे ज्यान मारी जलाएकाे सुचनाकाे अधारमा अनुसन्धान गर्न तिनै जनालाई आज विहान नियन्त्रणमा लिइएकाे प्रहरी निरिक्षक सिंहले वताउनु भयाे । मृतक उर्मिलाकाे आंशिक शव समेत बरामद भएकाे प्रहरीले जनाएकाे छ ।
उर्मिलाकाे माइती बाराकाे चिलझप्टी हाे भने उनकाे श्रीमान बैदेशिक राेजगारकाे शिलसिलामा साउदी अर्बमा छन् ।