वीरगंज । पर्साको पोखरीया नगरपालिका वडा नम्बर ६ श्रीसियामा चैत्र १२ गते देखी शुरु हुने ९ दिने श्री चण्डी महायज्ञको आज एक कार्यक्रमका बिच नगरप्रमुख दिपनारायण रौनियारले झण्डा रोहन गरी उद्घाटन गर्नु भएको छ ।
वडा नं. ६ का वडाध्यक्ष सियानन्द चौहानको अध्यक्षतामा भएको कार्यक्रममा वडा नं. ४ का वडाध्यक्ष लक्ष्मण साह, नेपाली कांग्रेसका युवा नेता श्रीकिसुन चौहान लगायत श्रीसियावासीहरुको सहभागीता रहेको थियो ।
बाजागाजा, ढोलतासा, झण्डा र लठीफाठा सहित निस्केको जुलुस गाउँ परिक्रमा गरी श्रीसिया गाउँको कालिकामाई मंन्दिरमा पुगेपछि पोखरीया नगरपालिकाका प्रमुख दिपनारायण रौनियारले झण्डा गाडी शुभारम्भ गरेका थिए ।
आज देखी श्रीसिया गाउँवासी माछा, मासु नखाने र गाउँमै मांसहारी खाना नबन्ने स्थानिय भगवान दास तात्वाले बताए ।
प्रतिक्रिया लेख्नुहोस