वीरगंज । नेकपाको भातृ संगठन राष्ट्रिय युवा संघ नेपालको वीरगंज महानगर कमिटीको अध्यक्षमा उमेश ठाकुर चयन भएका छन् ।
राष्ट्रिय युवा संघ नेपालको हिजो काठमाडौंमा बसेको बैठकले ठाकुरलाई अध्यक्षमा चयन गरेको हो । नेकपा एमाले र एमाओवादी बीच एकीकरण भई बनेको नेकपाको युवा संगठनको एकीकरणको सिलसिलामा बसेको बैठकले उक्त निर्णय गरेको छ ।
साथै केन्द्रिय कार्यालयकै बैठकले युवा संघकाे पर्सा इन्चार्जमा विमल पौडेल, साह इन्चार्जमा विकास रौनियार र महानगर इन्चार्जमा पिन्टु रौनियारलाई चयन गरेको युवा संघका केन्द्रिय सदस्य अरुण यादवले बताए ।
जिल्लाको संयोजक र सह संयोजक यस अघि नै चयन भई सकेका छन् ।