KALIKATIMES.COM
खेलकुद

पाेखरियामा जारी टुर्नामेन्टकाे फाइनल खेल विवाद भएपछि रद्द, पुन: आइतबार हुने

वीरगंज । पाेखरियामा जारी पालिका स्तरिय टि२० क्रिकेट टुर्नामेन्ट प्रतियाेगिताकाे शनिबार भएकाे फाइनल खेल विवादका कारण रद्द भएकाे छ ।

पाेखरिया नगरपालिका र कालिकामाई गाउँपालिका बिच भएकाे फाइनल खेल अंध्याराे भएपछि रद्द भएकाे आयाेजक पाेखरिया युवा समाजका अध्यक्ष भगवान दास तात्वाले वताए । भाेली आइतबार विहान ११ बजेदेखी पुन: खेल हुने उनले जानकारी दिए । 

पाेखरिया पुरै २० ओभर खेल्दै ७ विकेटकाे नाेक्सानीमा १७६ रन बनाएकाे थियाे । सुरुमा १७७ रनकाे लक्ष्यकाे साथ जवाफी ब्याटिङमा उत्रेकाे कालिकामाईले ४ ओभर मै ५ विकेटकाे नाेक्सानीमा मात्र २० रन बनाएपछि कालिकामाईकाे क्याप्टनले बललाई देख्दा बलमा प्वाल भेटिएपछि खेल राेकिएकाे थियाे ।

केही बेरपछि पुन: अर्काे बलले खेल हुने सहमती भएपछि कालिकामाईले ब्याटिङ गर्न थालेपछि १८ ओभरमा ६ विकेटकाे नाेक्सानीमा १४७ रन बनाउन सफल भएकाे थियाे । साेही क्रममा कालिकामाईकाे ब्याटस् म्यानले हानेकाे बल इम्पाएरले छक्का दिएपनि छक्का नरहेकाे भन्दै विवाद भएकाे थियाे ।

विवाद उग्ररुप लिदा पाेखरिया र कालिकाईका समर्थक बिच तनाव समेत भएकाे थियाे । खेलस्थलमा इलाका प्रहरी कार्यालय पाेखरियाकाे प्रहरी टाेली रहेपनि तनावलाई झडपमा परिणत हुन नदिन जिल्लाबाट थप प्रहरी मगाउनु परेकाे थियाे ।

खेलमा पाेखिया नगरपालिकाका मेयर दिपनारायण राैनियार, उप मेयर सलमा खातनु, विभिन्न वडाका वडाध्यक्षहरु, जनता समाजवादीका नेता नेजामुद्दिन सम्मानी, कालिकामाईका नेपाली कांग्रेसका अजय पटेल, संजय साह, सिकेन्द्र देवान, पत्रकार छठु साह लगायतकाे उपस्थिती रहेकाे थियाे ।   

पाेखरिया नगरपालिकाकाे सहयाेग र पाेखरिया युवा समाजकाे आयाेजनामा भइरहेकाे प्रतियाेगिताकाे बिजेताले  रु ८१ हजार र उप विजेताले रु ४१ हजार पुरस्कार पाउने छन् ।

प्रतिक्रिया लेख्नुहोस

सम्बन्धित समाचार

पर्सागढिमा हाफ मैराथुन दाैड प्रतियाेगिता सम्पन्न

कालिका टाईम्स

धोबिनीमा भलिबल लिग टुर्नामेन्ट प्रतियाेगिता सुरु

कालिका टाईम्स

पालिका स्तरिय क्रिकेट टुर्नामेन्टकाे उपाधी आयाेजक पाेखरियालाई

कालिका टाईम्स
Comments
Share via
SQL requests:141. Generation time:0.844 sec. Memory consumption:16.59 mb
Send this to a friend