वीरगन्ज, ११ बैशाख ।
नारायणी अस्पाल वीरगन्जमा बुधबार अख्तियार दुरुपयोग अनुसन्धान आयोगको टोलीले छापा मारेको छ । अख्तियार दुरुपयोग अनुसन्धान आयोगको क्षेत्रीय कार्यालय हेटौँडाबाट सूचना अधिकारी देवकुमार राईको नेतृत्वमा आएको टोलीले अस्पतालमा छापा मारेको हो ।
अस्पतालमा अनियमितता भएको भन्दै केही सञ्चार माध्यममा समाचार आएपछि अख्तियारको टोली छापा मार्न पुगेको हो । छापा मार्ने क्रममा सो सम्बन्धमा अख्तियारको टोलीले अस्पतालका मेडिकल सुपरिटेन्डेन्ट एनामुल हकसँग २ घण्टा जति सोधपुछ गरेको थियो ।
मेडिकल सुपरिटेन्डेन्ट हकमाथि सामान खरिदमा अनियमितता गरेको आरोप लागेको थियो । सोही सम्बन्धमा अनुसन्धान गर्न नारायणी अस्पताल पुगेको अख्तियारको टोलीले केही कागजपत्र पनि नियन्त्रणमा लिएको छ ।
प्रतिक्रिया लेख्नुहोस