KALIKATIMES.COM
राजनीति समाचार

फुसको घरमा बस्ने ५ सय असहाय परिवारलाई छाना दिने : सांसद यादव

वीरगंज । पर्सा क्षेत्र नं. १ बाट निर्वाचित सांसद प्रदिप यादवले आफ्नो क्षेत्रभित्र फुसको घरपरिवारलाई छाना दिने निर्णय गरेका छन् ।

सघन शहरी तथा भवन निर्माण योजना अन्तर्गत सुरक्षित नागरिक आवास कार्यक्रमको आजको बैठकबाट क्षेत्र नं. १ भित्र पर्ने ५०० फुस (पराल) का घर परिवारहरुलाई छाना लगाउने निर्णय गरिएको छ ।

सुरक्षित नागरिक आवास कार्यक्रमका संयोजक समेत रहेका सांसद प्रदीप यादवले क्षेत्र नं. १ भित्र कुनै फुस घर भएका परिवार बिना छानाको नरहने प्रतिवद्धता सहित उक्त घरपरिवारलाई छाना दिने उदेश्यले पहिलो चरणको बैठकबाट ५०० घरपरिवारलाई छाना दिने निर्णय गरेका छन् ।

सुरक्षित नागरिक आवास कार्यक्रमको अन्तर्गत ५०० प्रत्येक परिवारलाई टहरा र छाना बनाउन रु.५०,००० (पचास हजार) किस्ता गरि पहिलो किस्ता मा रु.३०,००० र कार्य प्रगति हेरी दोस्रो किस्ता मा रु.२०,००० बैंक मार्फत भुक्तानी गरिने योजनाका ईन्जिनियर एंव समितिका सचिव एंव सदस्य धीरेंद्र यादवले जानकारी गराए ।

समाजवादी पार्टीका प्रभावशाली नेता समेत रहेका सांसद यादवले क्षेत्रका असहाय र गरिब परिवारले सुख, शान्तिपूर्व सहज रुपमा जीवन यापन गर्न सक्ने गरी पिडित र असहायले पनि व्यवस्थित र सुरक्षित घर पाउँन भने उदेश्यले घर जुटाई क्षेत्रको विकास र समृद्धि हुने कार्यमा अहोरात्र खटिरहेको बताए ।

जिल्ला समन्वय समिति पर्साको सभा हलमा सांसद यादवको अध्यक्षतामा बसेको समितिको बैठकमा जिल्ला समन्वय समितिका सभापति नेक महमद अंसारी, वीरगंज महानगरपालिकाका मेयर विजय कुमार सरावगी, सघन शहरी तथा भवन निर्माण योजनाका ईन्जिनियर एंव समितिका सचिव एंव सदस्य धीरेंद्र यादव लगायतको उपस्थित रहेको थियोे ।

सम्बन्धित समाचार

पर्साकाे अनिरुद्धकाे शव मकवानपुरमा फेला, हत्या गरेर फालिएकाे आशंका

शम्भु कुमार सुमन

गाउँपालिकाकाे तथ्याँक व्यवस्थित गर्न आइटी सामग्री 

कालिका टाईम्स

वीरगंज २७ मा नेकपाकाे वडा भेला सम्पन्न

कालिका टाईम्स

Leave a Comment

SQL requests:191. Generation time:0.580 sec. Memory consumption:14.45 mb