KALIKATIMES.COM
समाचार स्थानिय

काठमाडौं जाँदै छु भनेर निस्केका पोखरियाका रुपेश मृत भेटिए

वीरगंज । दुई दिन पहिला घरबाट काठमाडौं लागि निस्केका पोखरियाका एक युवक आज मृत भेटिएका छन् । पोखरिया नगरपालिका वडा नं. १ बनकटवा निवासी शिव महतोको छोरा १८ बर्षिय रुपेश कुशवाहा पासो लगाएको अवस्थामा मृत भेटिएका हुन् ।

गाउँ नजिक रहेको आँपको बगैचामा पासो लगाएको अवस्थामा रुपेश मृत भटिएको ईलाका प्रहरी कार्यालय पोखरियाका प्रहरी निरीक्षक चन्द्र कुमार सिंहले वताउनुभयो । गाउँलेहरुले रुपेशको शव पासो लगाएको अवस्थामा देखे पछि ईलाका प्रहरी कार्यालय पोखरियालाई खबर गरेको थियो ।

घटना स्थल पुगेको प्रहरीले मुचुल्का उठाई शव परिक्षणको लागि नारायणी अस्पतालमा पठाएको छ भने घटना बारे थप अनुसन्धान भईरहेको प्रहरी निरीक्षक सिंहले बताउनुभयो । रुपेश दुई दिन अगाडी घरबाट काठमाडौं जाँदै छु भनेर निस्केका थिए ।

मृतक रुपेश मोटरसाइकल मिस्त्री हुन् । उनले पोखरियामा केही दिन अगाडी मोटरसाइकल वर्कसप खोलेका थिए । रुपेश मोटरसाइकल वर्कसपको सान्चो घरमा दिएर अब म काठमाडौं मै काम गर्छु भनेर आईतबार घरबाट निस्केको स्थानियहरुले वताएका छन् ।

सम्बन्धित समाचार

प्रहरीले छोएलगत्तै बम विष्फोट, तीन जनाको मृत्यु

कालिका टाईम्स

राजपाकाे नगर स्तरिय बैठक विभिन्न निर्णय गर्दै सम्पन्न

कालिका टाईम्स

सरसफाई कार्यक्रम सम्पन्न

कालिका टाईम्स
SQL requests:196. Generation time:0.894 sec. Memory consumption:14.29 mb