Citizenship/Driving Licence Number
KALIKATIMES.COM
प्रदेश समाचार

अयोध्याबाट जनकपुर आएको श्रीराम बरात वीरगंज आउने, भव्य स्वागत गरी विदाई गरिने

shree ram barat_kalikatimes

वीरगन्ज । विश्व हिन्दु परिषद नेपाल पर्साले अयोध्याबाट आएको श्रीराम बरातलाई पर्सा जिल्लामा भव्य रुपमा स्वागत गरी विदाई गर्ने जनाएको छ । परिषदले आईतबार वीरगन्जमा पत्रकार सम्मेलनको आयोजना गरी श्रीराम बरातलाई भव्य रुपमा स्वागतको तयारी पुरा भएको जनाएको हो ।

पत्रकार सम्मेलनमा परिषदका महामन्त्री रणवीर कुशवाहाले श्री सीताराम विवाह पञ्चमी महोत्सव सम्पन्न भई जनकपुरबाट यही १७ गते मंगलबारका दिन बिदाई भई विभिन्न शहर हुदै वीरगन्ज आउँने निश्चित भएको जनाए । उनले भने, श्रीराम बरातलाई वीरगन्जमा स्वागत गर्नको लागि सम्पूर्ण तयारी भएको छ ।

बरातलाई वीरगन्जको घण्टाघर चौकमा मंगलबार दिउँसो दुई बजे आईपुग्ने भएकोले त्यसमा सहभागि हुन सवै पर्सा जिल्लावासीलाई अनुरोध गरिएको छ । घण्टाघर चौकमा भव्य रुपमा स्वागत तथा सम्मान गर्दै श्रीराम बरातलाई नगरपरिक्रममा गरिने उनले बताए ।

patrakar samelan hidu parisad_kalikatimes
बिश्व हिन्दु परिषद नेपाल पर्साले आयाेजना गरेकाे पत्रकार सम्मेलन । तस्बिर : कालिका टाईम्स

 

नगरपरिक्रममा पश्चात राणीसती मन्दिरमा आयोजित महाप्रसाद ग्रहण गराएर पुन भारत तर्फ बिदाई गरिने छ । विभिन्न जातजाति, धार्मिक संघसंगठन, मठ मन्दिरको सौजन्य, सहयोग तथा सहभागितामा भव्य स्वागत सहित विदाईको कार्यक्रम रहेकोले यसमा उल्लेखनिय सहभागिता जनाई दिन परिषदले पर्सावासीमा हार्दिक अपिल समेत गरेको छ ।

परिषदका जिल्ला अध्यक्ष ओमप्रकाश साहको अध्यक्षतामा सम्पन्न भएको पत्रकार सम्मेलनमा परिषदका कोषाध्यक्ष पवन कुमार वर्णवाल, सल्लाहकार जसपाल सिंह, डा. गणेश कुमार अग्रवाल, रामराज परिषद नेपालका संयोजक धर्मेन्द्र पटेल, ब्राह्मण समाजका अध्यक्ष हरिनारायण मिश्र लगायतको सहभागिता रहेको थियो ।

प्रतिक्रिया लेख्नुहोस

सम्बन्धित समाचार

फेटा गाउँपालिकाद्वारा चट्याङबाट मृत्यु भएका परिवारलाई सहयाेग

कालिका टाईम्स

विश्व हिन्दु महासंघ पर्साकाे जिल्ला कार्य समिती गठन

कालिका टाईम्स

हास्य कलाकार सन्दीप क्षेत्रीले आफ्नाे गल्ती स्विकार गर्दै माफी मागे

कालिका टाईम्स
Comments
SQL requests:142. Generation time:1.018 sec. Memory consumption:13.7 mb