वीरगंज । पर्साको कानुन, न्याय तथा संसदीय मामिला मन्त्री अजय चौरसियाले कार्यसम्पादन मुल्यांकनमा उत्कृष्ट स्थान हासिल गरेका छन् । प्रधानमन्त्री कार्यालयले सार्वजनिक गरेको पछिलो प्रतिवेदनमा कानुन मन्त्री चौरसियाले एक सयमा एक सय नम्बर ल्याएर पहिलो स्थान हासिल गरेका छन् ।
सार्वजनिक प्रतिवेदन अनुसार सबैभन्दा कम भौतिक पुर्बाधार मंत्री देबेन्द्र दाहलले नम्बर पाएका छन । भौतिक पुर्बाधार मंत्रालयको सबै भन्दा कम ७.९ सहित अन्तिम स्थानमा नम्बर आएको छ ।
पर्साका संघिय मन्त्री ३ जना भएपनि अन्य दुई मन्त्रीले राम्राे नम्बर पाएका छैनन् । पर्सा कै संघिय मामिला तथा समान्य प्रशासन मन्त्री राजकुमार गुप्ताले २५ नम्बर सहित १३ औ स्थानमा छन् भन्ने खानेपानी मन्त्री प्रदिप यादवले २३.३५ अंक सहित १५ औ स्थानमा छन् ।
प्रतिवेदनमा प्रधानमंत्री तथा मन्त्रिपरिषदको कार्यालय तथा प्रधानमंत्रीको नम्बर अंक २८.५ छ । पर्सा जिल्लाका २ जना मंत्री थोरै कम अंकले मात्रै प्रधानमंत्री ओली भन्दा पछाडी रहेका छन ।
प्रधानमंत्री कार्यालयले तयार पारेको प्रतिवेदन अनुसार प्रधानमंत्री तथा मंत्रीपरिषदको कार्यालय, २१ वटा मंत्रालय तथा राष्ट्रिय आयोजना आयोग, नेपाल ट्रस्टको कार्यालय, लगानी बोर्ड, सत्कर्ता केन्द्र, सार्वजनिक खरिद तथा अनुगमन कार्यालय, लगानी बार्डको कार्यालय, तथ्यांक कार्यालय समेत २८ निकायका क्रियाकलाप र माइलस्टोनलाई एकिकृत अनुगमन प्रणालीमा प्रबिष्ट गरी बिश्लेषण गरिएकाे छ ।
लक्ष्यको ३२.०५ प्रतिशत मात्र काम, क्रियाकलाप तफ १७.२ तथा माईलोस्टो तर्फ ४६.९ प्रतिशत मात्रै प्रगती भएको छ । चालु आर्थिक बर्षका लागी एक हजार १० क्रियाकलाप कार्ययोजना तय मध्ये ४.३ प्रतिशत मात्रै सम्पन भएको छ । १ सय ५७ क्रियाकलाप सक्ने लक्ष्य रहेकोमा २७ वटा मात्र सम्पन भएको छ ।
आर्थिक क्षेत्रमा ४१ मध्ये १२, पुर्बाधारमा ३८ मध्ये ५, शासकिय सुधारमा ३९ मध्ये ८ र समाजिक क्षेत्रमा ३९मा २ वटा मात्रै सम्पन भएको छ । माईलस्टोन तर्फ पनि ४६.९ प्रतिशत मात्र लक्ष्य अनुसार काम भएको छ । ६ सय ५१ वटा माईलस्टोन तोकिएकोमा ३ सय ५ वटा मात्र सम्पन भएको हो ।
बार्षिक कार्ययोजनामा तोकिएको माईलस्टोन कार्यन्वयनमा ९ वटा मंत्रालय तथा कार्यालय न्युनतम ३५ अंक ल्याउन पनि असफल भएको प्रधानमंत्री कार्यालयले तयार पारेको प्रतिवेदनमा उल्लेख छ । अन्य निकायको पनि प्रधानमंत्री कार्यालय पेश गरेको छ ।
आयोजना आयोगको ४१.६५ सतर्कता केन्द्रको ० लगानीबोडीको १६.६५ नेपाल ट्रस्टको १ सय नमबर , तथयांक कार्यालयको ६०.७, सार्वजनिक खरिदको १६.६५ रहेको कार्यालयले जनाएको छ । पर्साका मंत्रीहरु पर्साका लागी केही नयाँ नगरे पनि ३ मंत्रालय मध्ये एक मंत्रालयले बढी अंक ल्याई देशमै उत्कृष्ट स्थान हासिल गर्न सफल भएका छन् ।