वीरगंज । पर्साका सहायक प्रमुख जिल्ला अधिकारी सुमन कुमार कार्कीले उधोगीहरुलाई सुरक्षा, सुबिधा, सहयोग र न्यायको प्रत्याभुति दिलाउन सकियो भने देशको विकास सम्भव हुने बताएका छन् ।
उधोग बिभाग, घरेलु तथा साना उधोग कर्यालय वीरगंज, पर्साको आयोजनामा दशौ उद्याेग दिवसको उपलक्ष्यमा भएकाे कार्यक्रमलाई सम्बाेधन गर्दै अधिकारी कार्कीले उधोग धन्दा नहुँदा तथा रोजगार नहुँदा युवाहरु बिदेशिने अवस्था रहेको बताए ।
उनले भने “कर्मचारीले ईमान्दारी पुर्बक काम गर्नु पर्यो, आ अफ्नाे काम र कर्तब्य सम्झेर जिम्मेवारी निर्वाह गरियो भने देश अवश्य सम्बृद्ध बन्छ । स्थानियस्तर प्रयाप्त उधमको ब्यवस्था भयो भने युवायुवति बिदेशीनु पर्दैन ।”
वीरगंज उद्याेग बाणिज्य संघका अध्यक्ष अनिल अग्रवालले साना उधोगीहरु हाम्राे समाजकाे लागि महत्वपूर्ण रहेकोले साना उधोगीहरुलाई प्राथमिक्ता राख्नु पर्ने बताए ।
घरेलु तथा साना उधोग कर्यालय पर्साका निमित प्रमुख प्रधुमन गुप्ताकाे अध्यक्षतामा भएको कार्यक्रममा नेपाल पत्रकार महासंघ मधेश प्रदेशका महासचिव श्याम बन्जारा लगायतले शुभकामना मन्तव्य राखेका थिए ।
कार्यक्रममा उधमी मधु सिंह, राधा हमाल, बिना दहाल, बिष्ण्ुा बसौला, ममता देवी,पुजा चौधरी, असमिता चौधरी, संगिता चौधरी, सकिना, सस्मिता, अनिसा, सोम्या, रिया चौधरी लगायत दर्जनौ उधमीहरुलाई मायाको चिनो सहित सम्मान गरिएको घरेलु तथा साना उद्याेग कार्यालयका सुब्बा सुरज रामले वताए ।
“उद्यमशिल संस्कृति, राष्ट्रिय सम्वृद्धि” नारा सहित भएकाे कार्यक्रमकाे सहजीकरण संजय महतोले गरेका थिए ।