रक्साैल । भारतिय एसएसबीका महानिर्देशक अमृत मोहन प्रसादले रक्सौल पुगेर भारत–नेपालका सुरक्षा अधिकारीसँग सिमा सुरक्षा बारे छलफल गरेका छन् । सएसबीका महानिर्देशक अमृतले सोमबार रक्सौल पुगेर सीमा क्षेत्रको अवलोकन गर्नुकाे साथै आईसीपीमा नेपालका सुरक्षा अधिकारीहरूसँग भेट गरेका हुन् ।
बैठकमा आपसी समन्वय कायम गर्ने, कर सुरक्षा प्रणालीलाई थप सुदृढ गर्ने, सीमा पार गर्ने शंकास्पद व्यक्तिमाथि कडा निगरानी गर्ने, सीमावर्ती क्षेत्रका जनतामा सेवा, सुरक्षा र भ्रातृत्वको भावना जागृत गर्न पहल गर्न छलफल भएकाे थियाे । साथै दुबै देशका सुरक्षा निकाय बिच आपसी समन्वय स्थापना गरी काम गर्न सहमती भएकाे छ ।
एसएसबीले गरेको यात्रु जाँचका कारण नेपाल आउने सवारीसाधनको लाइनमा जामको समस्या नआउने र आवागमन सहज र सहज होस् भन्ने उद्देश्यले दुबै देशका अधिकारीहरु बिच छलफल भएकाे जनाइएकाे छ ।
महानिर्देशक अमृतले रक्साैल स्थित निर्माणधिन विमानस्थलकाे अवलाेकन समेत गरेकाे स्थानिय संचारकर्मी विपिन कुशवाहाले जानकारी दिए ।
बैठकमा एसएसबीका आईजी नय्यर हसनैन खान, एसएसबीका डीआईजी एस सुब्रमण्यम, भारतीय महावाणिज्य दूतावासका वीरगंज कन्सुल जनरल डीएस मीना, मोतिहारीका जिल्ला मजिस्ट्रेट सौरभ जोरवाल, मोतिहारीका एसपी स्वर्ण प्रभात, एसएसबी कमाण्डेन्ट विकास कुमार, एसएसबी कमाण्डेन्ट (मेडिकल) निशिकांत, आईसीपी अधिकारी प्रवीण कुमार, पर्सा जिल्लाका सीडियाे गणेश अर्याल, पर्सा एपीएफका एसपी राधेश्याम घिमाल, बारा एपीएफका एसपी सन्तोष बहादुर सिंह, भारतीय सेनाका मेजर अभिजित कुमार सिंह, रक्सौलका एसडीओ शिवाक्षी दीक्षित, एसडीपीओ धीरेन्द्र कुमार, अध्यागमन अधिकृत अजित कुमार, एसएसबीका डेपुटी कमाण्डेन्ट दीपक कृष्ण लगायतकाे उपस्थिती रहेकाे थियाे ।