20 March 2025
KALIKATIMES.COM

१६ हप्ते आईपीएम कृषक पाठशाला, कृषक दिवस मनाएर सम्पन्न

वीरगंज । पाल्पाको तिनाउ गाँउपालिकाले संचालन गरेको १६ हप्ते आई.पी.एम. कृषक पाठशाला कार्यक्रमको आइतबार औपचारिक समापनको दिन १२ औ राष्ट्रिय कृषक दिवस मनाएको छ ।

तिनाउ गाँउपालिकाको आर्थिक तथा प्राबिधिक सहयोगमा उक्त कार्यक्रम बेरुवा कृषक समुहको आयोजनामा भएको थियो । शिक्षा स्वास्थ्य कृषि उद्योग पर्यटन र पुर्वाधार समृद्ध तिनाउको मुलआधार भन्ने मुल नाराकाे साथ कार्यक्रम सम्पन्न भएकाे तिनाउ गाउँपालिकाका अध्यक्ष प्रेम श्रेष्ठले वताए ।

शिक्षा स्वास्थ्य कृषि उद्योग पर्यटन र पुर्वाधार समृद्ध तिनाउको मुलआधार आई.पी.एम. कृषक पाठशाला कार्यक्रम संचालनको क्रममा गोलभेडाको र सिमिको बिउ रोप्न जग्गा तयारीदेखि बजार सम्म पुर्याउने क्रियाकलाप बारे प्रयोगात्मक अभ्यास देखि शैधान्तिक कक्षा समेत संचालन गरि १६ हप्ता पाठशाला संचालन भएको बेरुवा कृषक समुहका अध्यक्ष माया तरामीले बताए ।

तिनाउ गाँउपालिकाले कृषि विकासमा मुख्य प्राथमिकताका साथ बिगत जस्तै यो बर्ष पनि योजना अगाडी सारिएको र यस्तै कार्यक्रमको मध्यमबाट कृषकको ज्ञान, शिप, तथा धारणामा परिवर्तन गराई परम्परागत कृषि प्रविधिलाई आधुनिक तथा व्यवसायीक कृषि बिकास गर्न सक्दो पहल गर्ने  तिनाउ गाँउपालिका वार्ड न. ३ का वडाध्यक्ष चित्र बहादुर थापाले बताए ।

तिनाउ गाँउपालिका कृषि विकास शाखा प्रमुख हेमन्त कुमार शर्माका अनुसार यो कार्यक्रम गर्दा २ रोपनी जग्गामा गोलभेडा र तथा सिमि लगाएर सिधै खेतबारीमा प्रयोगात्मक अभ्यासको लागि १ रोपनीमा परम्परागत तरिका जुनमा किसानले गर्दै आएको खेति प्रबिधि र आर्को १ रोपनीमा आधुनिक खेति प्रबिधि अपनाएर तुलनात्मक अध्ययनको मध्यमबाट १६ हप्ते आई.पी.एम. कृषक पाठशाला कार्यक्रम संचालन भएकाे हाे ।

पाठशाला संचालनको क्रममा हामीले कृषि पर्यावरण विश्लेषण गरेर बालीमा देखिएको किराको उपस्थितिलाई केलाएर फाइदाजनक या नोक्सान पहिचान गरेर सोको व्यवस्थापन गर्ने किसानबाट पहिलो निर्णय लिएर छलफलको आधारमा व्यवस्थापन गरिन्थ्यो भने, रोग लागेको सम्भावित क्षेतिको आधारमा मात्र व्यवस्थापन बिधि अपनाउने गरेको शर्माले जानकारी गराए ।

१६ हप्ते आई.पी.एम. कृषक पाठशाला कार्यक्रममा २५ जनाको सहभागी रहेको थिए भने आइतबारकाे कार्यक्रममा बेरुवा गाँउलेको उपस्थिति रहेको थियो । 16 हप्ते आई.पी. एम. कृषक पाठशालाको प्रशिक्षण तथा सहजिकरण कृषि प्रविधिक हेमन्त कुमार शर्मा, बिरेन्द्र प्रसाद साह, किशोर रावल र सन्तोष घर्ती मगरले गर्नु भएको थियो ।

प्रतिक्रिया लेख्नुहोस

सम्बन्धित समाचार

विवादका कारण ठाकुर रामकाे मतगणना स्थगित, क्याम्पस प्रशासनले धाधली गरेकाे भन्दै विराेध प्रदर्शन

कालिका टाईम्स

पर्सामा पहिलाे दिन अंग्रेजी विषयकाे एसईई परिक्षा शान्तिपूर्ण रुपमा सम्पन्न

कालिका टाईम्स

ठाकुर राम स्ववियु निर्वाचनकाे मतगणना जारी, राज कुमार यादव अगाडी

कालिका टाईम्स
SQL requests:219. Generation time:5.987 sec. Memory consumption:82.74 mb