जितेन्द्र यादव /
पाेखरिया । नेपाली कांग्रेस पर्सा क्षेत्र नं. १ काे १ क्षेत्रिय समितिकाे आयाेजनामा साेमबार सांझ वीरगंजमा दीप प्रज्वलन गरिएकाे छ । १६ ओैँ गणतन्त्र दिवस्को अवसरमा वीरगंजकाे माइस्थान पार्कमा दीप प्रज्वलन गरिएकाे हाे ।
प्रदेश क्षेत्रिय सभापति अनिल कुमार सिंहकाे सभापतित्वमा भएकाे दीप प्रज्वलन कार्यक्रमकाे उद्घाटन प्रदेश सभा सदस्य एवम् कांग्रेस पर्साका सभापति जनार्दन सिंह क्षेत्रीले गरेका थिए ।
कार्यक्रममा प्रदेश सभा सदस्य श्याम पटेल, वीरगंज महानगरपालिकाका उप मेयर इम्तियाज आलम, मनोजा चौधरी, महमद सहाबुदीन लगायतकाले गणतन्त्रको महत्त्व दर्शाउदै शुभकामना मन्तव्य व्यक्त गरेका थिए ।
दीप प्रज्वलन कार्यक्रममा कांग्रेसका नेता रामनारायण प्रसाद कुर्सी, ध्रुव नेपाल, दिना गुप्ता, रमेश पाण्डे, प्रकाश उपाध्याय, नेतृ किरण शर्मा, प्रिति सिंह, मिन्तु सिंह, मनोजा चौधरी लगायतकाे सहभागीता रहेकाे थियाे ।
यसैगरी पर्साकाे छिपहरमाई गाउँपालिकाकाे वडा नं. ५ भिस्वामा पनि गणतन्त्र दिवसकाे अवसरमा दीप प्रज्वलन कार्यक्रम सम्पन्न भएकाे छ । नेवि संघ छिपहरमाई गाउँपालिकाकाे आयाेजना र नेपाली कांग्रेस पर्साका सह सचिव नविन सिंहकाे प्रमुख आतिथ्यतामा भएकाे कार्यक्रम सम्पन्न भएकाे हाे ।
