KALIKATIMES.COM
स्वास्थ्य

खानपिनमा जोड्नुस यस्ता चिज, चिसोमा पनि मोटोपना घटाउछ

चिसो मौसममा हामीलाई धेरै भोक लाग्छ त्यसैले खानपिनको मात्रा थोरै बढ्ने गर्छ । धेरै खाँदा र क्रियाकलाप कम हुँदा चिसो मौसममा थुप्रै मानिस मोटोपनको शिकार हुने गर्छन् ।

यहाँ हामी यस्ता खानेकुराबारे जानकारी दिँदैछौं जसले चिसो मौसममा तपाईंको प्रतिरोधी क्षमता त बढाउँछ नै यसले तपाईंको तौल पनि बढ्न दिँदैन ।

चिसो मौसममा गाजर, चुकन्दर, मुला, शलगम, प्याजजस्ता तरकारी आफ्नो खानामा समावेश गर्नुहोस् । यसले शरीरलाई प्रिबायोटिक प्रदान गर्छ जसका कारण तौल सजिलै घट्छ ।

यी तरकारी पोषणले भरिपूर्ण हुन्छ जसले प्रतिरोधी क्षमता बढाउनुका साथै पाचन क्रियामा पनि सुधार ल्याउँछ ।

तौल घटाउनमा घ्यूले पनि निकै फाइदा पुर्याउँछ । घ्यूमा भिटामिन ए, डि, इ र के पाइन्छ । यसले खानाको स्वाद बढाउनुका साथै तौल पनि नियन्त्रणमा ल्याउँछ । शुद्ध घ्यूमा भएको सीएलए मेटाबोलिजमलाई सही राख्छ जसका कारण तौल बढ्दैन ।

बदाम चिसो मौसममा सबैभन्दा स्वस्थवद्र्धक मानिन्छ । यसलाई भुटेर वा काँचै खान सकिन्छ ।

केही मानिसहरु यसलाई सलाद वा सब्जीमा पनि हालेर खान्छन् । बदाम खाँदा धेरै बेरसम्म भोक लाग्दैन तसर्थ हामी अतिरिक्त क्यालोरी खानबाट जोगिन्छौं ।

चिसो मौसममा हरिया तरकारी धेरै नै पाइन्छ । आफ्नो खानामा पालुङ्गो, मेथी, तोरीको साग, पुदिना, हरियो लसुनजस्ता समावेश गर्नुहोस् ।

हरिया तरकारीमा थुप्रै पोषक तत्व पाइन्छन् जसले प्रतिरोधी क्षमता बढाउँछ । हरिया सागसब्जी खाँदा चिसो मौसममा हात–खुट्टा सुन्निने र पोल्ने समस्या टाढा हुन्छ ।

चिसो मौसममा नौनी खाँदा शरीर तातो हुन्छ । घरमा बनेको नौनी नै खाने कोसिस गर्नुहोस् किनभने यसमा फ्याटको मात्रा कम हुन्छ ।

चिसो मौसममा छाला रुखो हुन्छ र नौनीले छालालाई हाइड्रेट राख्न सहयोग गर्छ । यसले हड्डी र प्रतिरोधी क्षमतालाई बलियो बनाउँछ

चिसो मौसममा स्याउ, सुन्तला, नास्पाती वा मेवाजस्ता मौसमी फलले तौल घटाउन मद्दत गर्छ ।

प्रतिक्रिया लेख्नुहोस

सम्बन्धित समाचार

चिसो मौसममा खानैपर्ने खानेकुरा

न्युज डेस्क

बलिउड अभिनेत्री तनीषा कोरोना संक्रमित

न्युज डेस्क

कोरोनाको नयाँ भेरियण्ट ‘ओमिक्रोन’ भेटिएपछि बेलायतमा थप प्रतिबन्धको घोषणा

न्युज डेस्क
Comments
Share via
SQL requests:190. Generation time:0.919 sec. Memory consumption:67.2 mb
Send this to a friend