Citizenship/Driving Licence Number
KALIKATIMES.COM
बलिवुड मनोरंजन

कस्ताे छ सिद्धार्थ र रितेशकाे ‘मरजवां’ ?

marjaavaan_kalikatimes

अभिनेताद्वय सिद्धार्थ मल्होत्रा तथा रितेश देशमुखको नयाँ फिल्म ‘मरजावां’ आज शुक्रवारदेखि प्रदर्शन भएको हुदैछ । मिलाप जवेरीद्वारा निर्देशित यो फिल्ममा रकुल प्रीत तथा तारा सुतारिया अभिनेत्रीको रुपमा प्रस्तुत भएका छन् ।

मरजावां पूर्ण रुपले एउटा मसाला फिल्म हो, जसमा जोडदार एक्सन तथा प्रभावकारी संवादहरु समावेश गरिएका छन् । आम दर्शकहरुको मन जित्ने अपेक्षा गरिएको यो फिल्मले पहिलो दिन राम्रो आम्दानी गर्न सक्ने अनुमान गरिएको छ । बलिउडका व्यापार विश्लेषकहरुको अनुमान के छ भने यो फिल्ले पहिलो दिन ६ देखि ८ करोड भारतीय रुपैयाँसम्मको व्यवसाय गर्नेछ । फिल्मको व्यवसाय सम्बन्धि सामग्री प्रकाशित गर्ने पत्रिका सुपर सिनेमाका अनुसार यो फिल्मले  ७ देखि साढे सात करोड भारुसहित ओपनिङ गर्नेछ ।

मरजावां एक्सनले भरिएको एउटा रोमान्टिक फिल्म हो । यो फिल्ममा रितेश देशमुखको चरित्रलाई प्राथमिकतामा राखिएको छ । फिल्ममा रितेशले तीन फूटका होचा व्यक्तिको भूमिका निर्वाह गरेका छन्, जो खतरनाक छन् । नेपालको चेन फिल्म प्रदर्शक क्यूएफएक्सले यो फिल्मलाई आज शुक्रवार नै ३० भन्दा बढि शो दिएको छ ।

अभिनेता सिद्धार्थ मल्होत्राका लागि ‘मरजवां’ सफल हुन अत्यन्त अनिवार्य मानिएको छ, किनभने उनको लामो समयदेखि उनको अभिनय करियर धरमराइरहेको छ । यही वर्ष प्रदर्शन भएको उनको ‘जबरिया जोडी’ नराम्ररी फ्लप भयो । त्यसअघि अय्यारी, इत्तेफाक तथा जेन्टलम्यान जस्ता फिल्मले पनि खासै राम्रो व्यवसाय गर्न सकेका थिएनन् । त्यसअघि बार–बार देखो फिल्म पनि फ्लप भएको थियो । यस्तो अवस्थामा सिद्धार्थलाई बक्स अफिसमा सोलो हिरोको रुपमा आफैंलाई सावित गर्ने यो उत्कृष्ट मौका हो ।

अभिनेता रितेश देशमुखको कुरा गर्ने हो भने उनी ‘हाउसफुल–४’ का मुख्य अभिनेतामध्येका एक हुन् । यो फिल्म व्यवसायिक रुपमा सफल भैसकेको छ । रितेशले अधिकांश कमेडी तथा रोमान्टिक फिल्महरुमा काम गरेका छन् । यस्तो बेला ‘एक भिलेन’ पछिको उनको यो नयाँ चरित्रले दर्शकहरुलाई सिनेमा हलसम्म आकर्षित गर्न सक्ने छ । फिल्मकी अभिनेत्री तारा सुतारियाको यो दोस्रो फिल्म हो । उनले स्टुडेन्ट अफ द इयर–२ मार्फत बलिउडमा डेब्यू गरेकी थिइन्, जसको पहिलो फिल्ममार्फत सिद्धार्थले बलिउडमा आफ्नो यात्राको थालनी गरेका थिए ।

त्यसो त मरजावांको अगाडि अहिले पनि आयुष्मान खुरानाको ‘बाला’ का् चुनौती कायमै छ, जसले सिनेमा हलमा दर्शकहरुलाई आकर्षित गरिरहेकै छ । बाला अघिल्लो शुक्रवार प्रदर्शन भएको फिल्म हो । आजदेखि यो फिल्म दोस्रो सातामा प्रवेश गर्दैछ । यस्तो बेला आज शुक्रवारदेखि प्रदर्शन हुने मरजावांले पहिलो विकेण्डमै बालासंग प्रतिस्पर्धा गर्नु पर्नेछ ।

नेपालको चेन फिल्म प्रदर्शक क्यूएफएक्सले यो फिल्मलाई आज शुक्रवार नै ३० भन्दा बढि शो दिएको छ ।

प्रतिक्रिया लेख्नुहोस

सम्बन्धित समाचार

हास्य कलाकार सन्दीप क्षेत्रीले आफ्नाे गल्ती स्विकार गर्दै माफी मागे

कालिका टाईम्स

सुशान्तको अन्तिम फिल्म ‘दिल बेचारा’को ट्रेलर सार्वजनिक

कालिका टाईम्स

सलमान खानले ‘बिग बोस’ को एक भागका लागि भारू १६ करोड लिने

कालिका टाईम्स
Comments
SQL requests:140. Generation time:2.288 sec. Memory consumption:13.81 mb